განსაკუთრებულ მხარდაჭერას ვუცხადებთ ჩვენს უახლოეს პარტნიორებს საქართველოსა და უკრაინას, - ეს განცხადება ნატო-ს გენერალურმა მდივანმა, იენს სტოლტენბერგმა აშშ-ის კონგრესში სიტყვით გამოსვლისას გააკეთა და აღნიშნა, რომ რუსეთის აგრესიული ქცევის საპასუხოდ, ნატო-მ მხარი დაუჭირა ახლო პარტნიორებს, საქართველოსა და უკრაინას.
„განსაკუთრებულ მხარდაჭერას ვუცხადებთ ჩვენს უახლოეს პარტნიორებს, საქართველოსა და უკრაინას. სუვერენულ ქვეყნებს, სუვერენული უფლებებით, რომლებსაც აქვთ სუვერენული უფლება, თავად აირჩიონ მომავალი. ჩვენ ამ ყველაფერს არა კონფლიქტების პროვოცირებისთვის, არამედ პრევენციისთვის ვაკეთებთ. იმისთვის, რომ შევინარჩუნოთ მშვიდობა. კი არ ვიომოთ, არამედ შევაჩეროთ; თავს კი არ დავესხათ, არამედ დავიცვათ. ჩვენ არ გვინდა რომ იზოლაციაში მოვაქციოთ რუსეთი. ჩვენ რუსეთთან უკეთესი ურთობებისთვის ვისწრაფვით და ამას ვაკეთებთ“, - განაცხადა სტოლტენბერგმა.