თქვენთან ერთად შევამოწმებთ როგორია ტელეკომპანია "პირველის" ტრენდი და ვნახოთ, რამდენად კრიტიკული იქნება ტელეკომპანია "პირველი" დღეს, - ასე უპასუხა შინაგან საქმეთა მინისტრმა გიორგი გახარიამ ტელეკომპანია „პირველის“ ეთერში შეკითხვას - რატომ იყო ტელეკომპანია "პირველი" მოხსენიებული მამუკა ხაზარაძის მიერ ხსენებულ წერილში.
„აი, ჩვენ, თქვენთან ერთად შევამოწმებთ როგორია ტელეკომპანია პირველის ტრენდი და ვნახოთ, რამდენად კრიტიკული იქნება ტელეკომპანია პირველი დღეს. არ არის შემთხვევითი, რომ დაახლოებით 1 წელია სატელევიზიო სივრცეში უბრალოდ დაკავებულობის გამო არ გამოვჩენილვარ და ეს იყო აბსოლუტურად გააზრებული გადაწყვეტილება, რომ დაგვეწყო ტელეკომპანია პირველიდან. მით უმეტეს, დღეს პარლამენტში იყო მნიშვნელოვანი დღე, ინტერპელაცია. კიდევ ერთხელ აღვნიშნავ, რომ ეს ისტორია, რომელიც ყოველდღიურად სხვადასხვა ფერებს იძენს, ჩემთვის არის ჯერჯერობით გაუგებარი. მე გარკვეული პერიოდი დაველოდები, ვნახავ კიდევ რა სიურპრიზებს ამზადებენ, სადამდე შეიძლება შევიდეს ასე ვთქვათ ეს გამოგონილი ისტორიების თემა და შემდგომ რა თქმა უნდა, როგორც რიგითი მოქალაქე, ყველაფერ ამას გავცემ შესაბამის პასუხს“, - განაცხადა გიორგი გახარიამ.
