100 დღე არ გასულა. ასე, რომ ამის თქმა, მიღირდა პრეზიდენტობა და რაღაც ისეთი შევასრულე, რაც ძალიან მნიშვნელოვანი არის, არ ვიტყოდი. იმედი მაქვს, რომ ექვსი წლის თავზე ვიტყვი, - განაცხადა საქართველოს პრეზიდენტმა სალომე ზურაბიშვილმა ტელეკომპანია „პირველის“ გადაცემა „რეაქციაში“. ჟურნალისტმა ინგა გრგიოლიამ ჰკითხა, შეუძლია თუ არა, რომ უკვე გაკეთებული საქმეებით, ნაბიჯებით თქვას - „პრეზიდენტობა ამად ღირდა.“
„100 დღე არ გასულა. ასე, რომ ამის თქმა, მიღირდა პრეზიდენტობა და რაღაც ისეთი შევასრულე, რაც ძალიან მნიშვნელოვანი არის, არ ვიტყოდი. იმედი მაქვს, რომ ექვსი წლის თავზე ვიტყვი. მაგრამ ამ 100 დღეში, მე მგონი, საკმაოდ სერიოზული ნაბიჯები გადაიდგა, ჩემთვის მნიშვნელოვანი. თუნდაც, საფრანგეთში ვიზიტი. იმიტომ რომ ეს იყო ვიზიტი, რომელმაც მომცა საშუალება, რომ საფრანგეთს, სწორედ ემიგრაციის სახელითაც გადავუხადე მადლობა და მოსახლეობისგან, იმ გაწეული დახმარებისთვის, თუნდაც 2008 წლის ომის დროს. და ძალიან ბევრი რამ, რაც საფრანგეთმა გააკეთა ამ ბოლო ორ საუკუნეში საქართველოსთვის. ასევე, გამოვყოფდი ევროკავშირს. იმიტომ, რომ ეს არის ჩემი მუდმივი ოცნება, რომ ევროპა გაძლიერდეს. იმიტომ რომ ჩვენ გავხდეთ ამ ევროპის ნაწილი და ის მიღება, რაც იყო ბრიუსელში, იყოს ამისთვის მნიშვნელოვანი. ეს იყო, როგორც უკვე აღვნიშნე, არა ჩემი, არამედ ეს იყო საქართველოს მიღება და ეს იყო ამსახველი იმის, თუ როგორ უყურებენ დღეს საქართველოს და რომ, ჩვენ გვაქვს ძალიან სერიოზული პოზიცია, რომელილც ყოველდღიურად ჩვენზე არის დამოკიდებული - ჩვენ ამას გავამართლებთ, გავაძლიერებთ, თუ არ გავაძლიერებთ. სამუშაო არის ჩვენს წინ, მაგრამ გვაქვს ძალიან სერიოზული პოზიციები და არ უნდა მივეცეთ, გაუთავებელ პესიმიზმს, რაც ძალიან მაღიზიანებს“, - განაცხადა პრეზიდენტმა.
