პრეზიდენტის ინიციატივით, ინგლისური ენის მცოდნე მასწავლებელსა და პოლიციელს 200-ლარიანი სახელფასო დანამატი ექნება. ამ ინიციატივის შესახებ მიხეილ სააკაშვილმა ბათუმში "პიაცას მოედანზე" გამართულ მთავრობის გასვლით სხდომაზე განაცხადა.
"ჩვენ გამოვაცხადეთ, რომ მასწავლებლებისთვის 150-ლარიანი დანამატი ვინ ჩააბარებს ინგლისურისა და კომპიუტერის გამოცდას, მაგრამ ვაცხადებ, რომ ეს იყოს 200-ლარიანი დანამატი და ზუსტად იგივე ყველა პოლიციელს. ყველა პოლიციელი, პატრულის თანამშრომელი ქვედა დონეზე, ვინც ინგლისურსა და კომპიუტერს ჩააბარებს ექნება 200-ლარიანი დანამატი ხელფასზე", _ განაცხადა პრეზიდენტმა და აღნიშნა, რომ ყველა პოლიციელი და მასწავლებელი შეძლებისდაგვარად უნდა ფლობდეს ინგლისურ ენას.
პრეზიდენტმა კიდევ ერთხელ აღნიშნა, რომ ყველა უნივერსიტეტდამთავრებული უნდა ფლობდეს ინგლისურ ენას.
"ჩვენ უნივერსიტეტებს ვერ გადავიყვანთ ინგლისურენოვან სწავლებაზე, იმიტომ რომ ძალიან ბევრმა აბიტურიენტმა და მათ შორის, იმათაც ვინ ჩააბარეს ქართულიც არ იციან ხეირიანად", _ განაცხადა პრეზიდენტმა და აღნიშნა, რომ მისაღებ გამოცდებზე ქართული ენის ცოდნის შედეგები არის "კატასტროფა".
"ინგლისური ეს არის იმის დანამატი, რომ ქართულიც უნდა ვასწავლოთ უმაღლეს დონეზე. აღარაფერს ვამბობ იმაზე, რომ სკოლიდა, წესით, ქართული ენის ცოდნით უნდა გამოდიოდეს. უნდა ვაღიაროთ რომ ბერმა ეთნიკურად ქართველმა აბიტურიენტმა გამართულად ქართული წერა-კითხვა არ იცის. ამიტომ უნდა გვესმოდეს საბაზისო პრობლემები რა არის განათლების სისტემაში, რისგანაც წარმოიქმენა ბევრი სხვა პრობლემა ქვეყნის განვითარების თვალსაზრისით", _ განაცხადა პრეზიდენტმა.