სალომე ზურაბიშვილი იმის თაობაზე, რომ გარკვეული ფორმით შეიზღუდოს სიტყვის თავისუფლება, ახსენებს ფრანგულ კანონს, ასეთი კანონი საქართველოში რომ ყოფილიყო, დღეს ის განსასჯელის სკამზე იქნებოდა, - ამის შესახებ ჟურნალისტებს ფრაქცია „ნაციონალური მოძრაობის“ თავმჯდომარე რომან გოცირიძემ ცილისწამებასთან დაკავშირებით კანონში ცვლილებების შეტანის ინიციატივასთან დაკავშირებით განაცხადა.
მისი თქმით, საარჩევნო პროცესში ცილისწამების ნიაღვარი იყო და ხელისუფლებას დაფინანსებული ჰყავს ცილისმწამებელთა გუნდი სხვადასხვა ტროლების სახით.
„სალომე ზურაბიშვილი იმის თაობაზე, რომ გარკვეული ფორმით შეიზღუდოს სიტყვის თავისუფლება, ახსენებს ფრანგულ კანონს, რომელიც ახლახან იქნა მიღებული. ასეთი კანონი საქართველოში რომ ყოფილიყო, დღეს ქალბატონი სალომე იქნებოდა განსასჯელის სკამზე, ისევე, როგორც „ქართული ოცნების“ ბევრი ლიდერი, ვინაიდან ცილისწამების ნიაღვარი იყო ამ საარჩევნო პროცესში და ხელისუფლებას დაფინანსებული ჰყავს ცილისმწამებელთა გუნდი სხვადასხვა ტროლების სახით. მიუხედავად ამისა, ჩვენ არ მივესალმებით და არ ვუჭერთ მხარს ამ ინიციატივას“, - განაცხადა გოცირიძემ.
