პარლამენტის ვიცე-სპიკერი თამარ ჩუგოშვილი ფიქრობს, რომ უზენაესი სასამართლოს მოსამართლეობის კანდიდატთა სიას პარლამენტში მხარდაჭერა არ ექნება.
მისი თქმით, უმრავლესობა სიის წინააღმდეგია.
"ზუსტი ციფრის თქმა გამიჭირდება, მაგრამ შეგრძნება მაქვს, რომ უმრავლესობა არის წინააღმდეგი ამ სიის. მე არ მგონია, რომ ამ სიას უნდა მივუბრუნდეთ და უნდა ვიმსჯელოთ კონკრეტულ გვარებზე, სანამ პარლამენტი არ მიიღებს შესაბამის კანონს", - განაცხადა ჩუგოშვილმა.
ცნობისთვის, იუსტიციის უმაღლესმა საბჭომ უზენაეს სასამართლოში წარსადგენი მოსამართლეთა 10 კანდიდატურა დაასახელა: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე. 10-კაციანი სია იუსტიციის საბჭომ დასამტკიცებლად პარლამენტს გადაუგზავნა.
