ჩვენი გუნდურობა გამოიხატება იმ ღირებულებებისა და პრინციპების ერთგულებაში, რითაც მოვიგეთ 2012 წლის პირველი ოქტომბრის არჩევნები, - ამის შესახებ უმრავლესობის დეპუტატმა გედევან ფოფხაძემ განაცხადა.
„ჩემი გუნდი არის ხალხი, რომლებიც ციხეში სანთლით ხელში ლოცულობდნენ ჩვენი გამარჯვებისთვის და ღამეებს ათევდნენ საარჩევნო უბნებთან. ეს არის ჩემი გუნდი. ამ გუნდს არასდროს ვუღალატებ და არ მივატოვებ. ჩემ გუნდს არასოდეს ენდომება სააკაშვილის რომელიმე ინსტიტუციის რეანიმაცია, მით უმეტეს სასამართლოს სახით“, - განაცხადა გედევან ფოფხაძემ.
მისი თქმით, მისი გუნდი არ არის ვანო ზარდიაშვილი და მასთან ღირებულებების დონეზე არაფერი საერთო არც ჰქონია და არც მომავალში ექნება.
„ვინც არის ჩემი გუნდი, ვისთან ერთადაც ვიბრძოდი და ვიბრძვი, იმასთან ბოლომდე ვაპირებ ყოფნას. თუ მიიღებენ გადაწყვეტილებას, რომ გედი ფოფხაძე არ უნდა იყოს „ქართულ ოცნებაში“, ისინი გადადგამენ ნაბიჯს გუნდის წინააღმდეგ, ვისთან ერთადაც ვიბრძოდით. ვინც ამ გადაწყვეტილებას მიიღებს, ისინი დაშორდებიან გუნდს და ღირებულებებს“, - აღნიშნა ფოფხაძემ.
