არ ვიცი რას ჰპირდება პარლამენტის თავმჯდომარე მიქაუტაძეს ან სხვებს, მაგრამ ეს სია 76 ხმას ვერ მოიპოვებს, - ამის შესახებ საპარლამენტო უმრავლესობის წევრმა ლევან გოგიჩაიშვილმა უზენაესი სასამართლოს მოსამართლეობის კანდიდატთა სიასთან დაკავშირებით განაცხადა.
მისი თქმით, სია არათუ მიახლოებულ ხმებს აიღებს, არამედ სერიოზული კრახით დასრულდება კენჭისყრა
„მე ვერ ვხედავ ამ სიის გასვლის პერსპექტივას. არ ვიცი რას ჰპირდება პარლამენტის თავმჯდომარე მიქაუტაძეს ან სხვებს, მაგრამ ეს სია 76 ხმას ვერ მოიპოვებს. არათუ მიახლოებულ ხმებს აიღებს, არამედ სერიოზული კრახით დასრულდება კენჭისყრა“, - განაცხადა გოგიჩაიშვილმა.
ცნობისთვის, იუსტიციის უმაღლესმა საბჭომ უზენაეს სასამართლოში წარსადგენი მოსამართლეთა 10 კანდიდატურა დაასახელა: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე. 10-კაციანი სია იუსტიციის საბჭომ დასამტკიცებლად პარლამენტს გადაუგზავნა.
