„თამუნა ჩემთვის მეგობარია, მე მის აზრს ბევრ საკითხში ანგარიშს ვუწევ, დეტალებზე საუბარი არ მომთხოვოთ, - ამის შესახებ საპარლამენტო უმრავლესობის წევრმა გედევან ფოფხაძემ პარლამენტის ვიცე-სპიკერთან, თამარ ჩუგოშვილთან შეხვედრის შემდეგ განაცხადა.
რაც შეეხება პარტიიდან მის შესაძლო გარიცხვას, ფოფხაძემ ამბობს, რომ სანამ ამას რაიმე ოფიციალური სტრუქტურა, ვინც ამ გადაწყვეტილების უფლებამოსილია, არ დაადასტურებს, მანამდე ამაზე საუბარი იქნება არასწორი.
„ჩვენ გვჭირდება ღირსეული მართლმსაჯულება. ერთმა კლანმა, რაღაცა ჯგუფმა თავის კანტორად არ უნდა აქციოს სასამართლო სისტემა. უზენაეს სასამართლოს არ უნდა დაეპატრონონ ადამიანები, რომლებიც წაგვართმევენ ჩვენ მართლმსაჯულებას და თქვენს შვილებს სამართლიანი სასამართლოს უფლებას“, - განაცხადა გედევან ფოფხაძემ.
