ვიდრე საკითხებს არ დავალაგებთ, კანდიდატებთან დაკავშირებით ლაპარაკი სპეკულირება იქნება, რომ მისაღებია ან მიუღებელი, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ ჟურნალისტების კითხვასთან დაკავშირებით განაცხადა, მისაღებია თუ არა მისთვის მოსამართლეობის წარდგენილი კანდიდატები.
მისი თქმით, როცა იუსტიციის საბჭო საბოლოოდ ჩამოყალიბდება, ტოვებს აღნიშნულ სიას თუ იქნება კრიტერიუმები და ამ კრიტერიუმებს მოარგებს, ამის შემდეგ გადავა უმრავლესობა პერსონებზე მსჯელობაზე.
„არაერთხელ დამისვეს ეს კითხვა. არ მინდა, ვინმეს დარჩეს შთაბეჭდილება, რომ რომელიმე დეპუტატი თავს არიდებს ამ კითხვაზე პასუხია გაცემას. აქ არის ერთი მთავარი მოცემულობა, არ შეიძლება სიაზე ასე საზოგადოდ გასცეს ვინმემ პასუხი, რადგან შეიძლება, რომელიმე კანდიდატთან დაკავშირებით მქონდეს ჩემი პოზიცია. მაგრამ ჯერ სხვა საკითხები გვაქვს გადასაწყვეტი, მათ შორის, კრიტერიუმებთან დაკავშირებით და ამის შემდეგ უნდა გადავიდეთ ინდივიდუალურად თითოეული კანდიდატის განხილვაზე. ვიდრე ამ საკითხებს არ დავალაგებთ, კანდიდატებთან დაკავშირებით ლაპარაკი სპეკულირება იქნება, რომ მისაღებია ან მიუღებელი. როცა იუსტიციის საბჭო საბოლოოდ ჩამოყალიბდება, ტოვებს ამ სიას თუ იქნება კრიტერიუმები და ამ კრიტერიუმებს მოარგებს, ამის შემდეგ გადავალთ პერსონებზე მსჯელობაზე“, - განაცხადა მდინარაძემ.
