მამუკა მდინარაძეს ვურჩევ გააკონტროლოს, რას ლაპარაკობს და რატომ ლაპარაკობს, - ამის შესახებ იურიდიულ საკითხთა კომიტეტის ყოფილმა თავმჯდომარემ, ეკა ბესელიამ განაცხადა.
მისი თქმით, მას მდინარაძესთან გასარკვევი არაფერი აქვს.
"მდინარაძეს ვურჩევ გააკონტროლოს, რას ლაპარაკობს და რატომ ლაპარაკობს. ფრაქციასთან და უმრავლესობასთან შეხვედრის საკითხი მე თვითონ დავსვი. არ ვფიქრობ, რომ მდინარაძეს უნდა ველაპარაკო. მე უნდა ველაპარაკო კოლეგებს, რომლებთანაც საჭიროა ამ საკითხზე დისკუსია", - განაცხადა ბესელიამ.
ცნობისთვის, მამუკა მდინარაძემ დღეს განაცხადა, რომ თუ ბესელია მასთან შეხვედრის სურვილს გამოთქვამს, ის შესახვედრად მზად არის.