პატრიარქის მოსაყდრის, მეუფე შიოს ინფორმაციით, საპატრიარქო უკრაინის ეკლესიის ავტოკეფალიასთან დაკავშირებით საკუთარ პოზიციას ტომოსის ტექსტის გაცნობის შემდეგ დააფიქსირებს.
როგორც მეუფემ შიომ ჟურნალისტებს განუცხადა, მისთვის უცნობია, როდის მოხდება აღნიშნული საკითხის განხილვა.
"სინოდმა გამოთქვა თავისი პოზიცია. გავეცნობით ტომოსის ტექსტს და შემდეგ დავაფიქსირებთ პოზიციას. როდის იქნება განხილვა, არ ვიცი", - განაცხადა მეუფე შიომ.
ცნობისთვის, უკრაინის მართლმადიდებელი ეკლესიისთვის ავტოკეფალიის მინიჭების შესახებ ტომოსს კონსტანტინეპოლის პატრიარქმა ხელი გუშინ მოაწერა.
