საფინანსო-საბიუჯეტო კომიტეტის თავმჯდომარე, ირაკლი კოვზანაძე ეროვნული ბანკის მონაცემთა ვიზუალიზაციისა და ანალიზისა პლატფორმის (Business Intelligence)-ის პრეზენტაციაზე სიტყვით გამოვიდა.
როგორც მან ტექნოპარკში გამართულ ღონისძიებაზე განაცხადა, ეროვნული ბანკის ვებგვერდი წლებია, გამოირჩევა ინფორმაციის ტევადობის, ოპერატიულობისა და გამჭვირვალობის თვალსაზრისით, სადაც საკმაოდ დიდი მოცულობის სტატისტიკური მასალაა წარმოდგენილი. სებ-ის ახალი პროექტი კი საშუალებას იძლევა, დაინტერესებულმა პირმა საფინანსო-საბანკო სექტორის მონაცემთა ბაზებიდან ფაქტორიზებული ინფორმაცია უფრო მარტივად მიიღოს და გაანალიზოს.
„ეს ძალიან კარგი საქმეა, ინოვაციაა ჩვენს სინამდვილეში და დარწმუნებული ვარ, რომ დარგის სპეციალისტები და ექსპერტები, აკადემიური საზოგადოება, უმაღლესი დაწესებულებების სტუდენტები ამ პროდუქტის აქტიური მომხმარებლები გახდებიან“, - აღნიშნა ირაკლი კოვზანაძემ.
