რუსეთის პრეზიდენტმა ვლადიმერ პუტინმა კრემლში განაცხადა, რომ კრემლი ვაშინგტონს სამაგიეროს გადაუხდის, თუ ამერიკის შეერთებული შტატები 1987 წელს გაფორმებულ საშუალო და ახლო მოქმედების რაკეტების ლიკვიდაციის შესახებ შეთანხმებას დატოვებს, - ამის შესახებ Reuters-ი წერს
ამ საკითხზე რუსეთის პრეზიდენტმა ქვეყნის თავდაცვის უწყების მაღალჩინოსნებთან შეხვედრისას განაცხადა და ამ თემაზე აშშ-სთან მოლაპარაკების შესახებ მზაობა გამოთქვა.
საშუალო და ახლო მოქმედების რაკეტების ლიკვიდაციის შეთანხმებას 1987 წლის 8 დეკემბერს ხელი მიხეილ გორბაჩოვმა და რონალდ რეიგანმა მოაწერეს. ეს ცივი ომის ერთ-ერთ ყველაზე მნიშვნელოვან შეთანხმებად მიიჩნევა. მაშინ მოსკოვმა და ვაშინგტონმა უარი თქვა საშუალოდ ახლო მოქმედების ბალისტიკური და საკრუიზო რაკეტების შექმნაზე და არსებულის განადგურებაზე შეთანხმდნენ. ასეთ რაკეტებს მიზნამდე მიღწევა რამდენიმე წუთში შეუძლია.
ამერიკის შეერთებული შტატების პრეზიდენტმა დონალდ ტრამპმა დაადასტურა, რომ ოფიციალური ვაშინგტონი რუსეთთან ბირთვულ იარაღზე შეთანხმებას ტოვებს.
