რუსეთი და ნატო შეძლებენ დაარეგულირონ თავიანთი უთანხმოებები აფხაზეთთან და ე.წ. სამხრეთ ოსეთთან მიმართებაში. ეს განცხადება თანამედროვე განვითარების ინსტიტუტის დირექტორმა იგორ იურგენსმა გააკეთა.
რუსული მედიის ინფორმაციით, აფხაზეთსა და ე.წ. სამხრეთ ოსეთზე, როგორც რუსეთისა და ნატოს ინტეგრაციის გზაზე არსებულ ხელისშემშლელ ფაქტორებზე საუბრისას ექსპერტი აცხადებს, რომ ამ საკითხს გადაუჭრელად არ მიიჩნევს.
"ჩვენ კი მივიჩნევთ იგივეს კოსოვოსთან და სხვა დაურეგულირებელ კონფლიქტებთან მიმართებაში. ეს არაფერს არ ნიშნავს. რა არის წვრილი ტერიტორიული პრობლემა ცივილიზაციის წინაშე არსებულ საფრთხესთან მიმართებაში? ყოველივე ეს მოლაპარაკებათა მეშვეობით მოგვარებადია", _ აცხადებს იგორ იურგენსი.
