რუსეთმა უნდა გაიგოს, რომ ევროკავშირი და ნატო არ არის მტერი, - ამის შესახებ გერმანიის კანცლერმა ანგელა მერკელმა სტუდენტებთან შეხვედრაზე განაცხადა.
მისი თქმით, რუსეთი მსოფლიოში ძალიან მნიშვნელოვანი ქვეყანაა.
"გერმანიას სურს ძალიან კარგი ურთიერთობა ჰქონდეს არამარტო საქართველოსთან, აზერბაიჯანთან ან უკრაინასთან, არამედ რუსეთთან. რუსეთი მსოფლიოში ძალიან მნიშვნელოვანი ქვეყანაა. ევროპას და რუსეთს აქვს დროში კარგი თანამშრომლობის გამოცდილება და მათ ერთმანეთისგან ბევრი ისწავლეს. მიუხედავად ამისა, იყო შთაბეჭდილება, რომ ცივი ომი ჯერ არ დასრულებულა. ვფიქრობ, რომ ევროკავშირი და ნატო არ არის საფრთხე რუსეთისთვის. რუსეთმა უნდა გაიგოს, რომ ნატო და ევროკავშირი არ არის მისი მტერი. რუსეთი, რა თქმა უნდა, ურთულებს სიტუაციას ყოფილი საბჭოთა კავშირის რესპუბლიკას, მაგალითად, საქართველოს "სამხრეთ ოსეთის" და აფხაზეთის სახით; მაგალითად, მოლდოვას აქვს პრობლემა; აზერბაიჯანსაც იგივე პრობლემა აქვს, რაც უკრაინას", - განაცხადა მერკელმა.
