"ჩვენ შეგვიძლია გავარკვიოთ ყველა, ვისაც ეჭვი ეპარება. მაგრამ ჩვენ გვჭირდება სერიოზული პარტნიორი. თუ ჩვენ გვეყოლება სერიოზული პარტნიორი, მაშინ ჩვენ ხელს მოვაწერთ ისტორიულ შეთანხმებას", _ განაცხადა ისრაელის პრემიერ-მინისტრმა.

მისი თქმით, ორივე მხარე ურთიერთდათმობაზე უნდა წავიდეს.
ისრაელის პრემიერმა აღნიშნა, რომ სამშვიდობო მოლაპარაკებები სამი პრინციპის საფუძველზე უნდა წარიმართოს: პირველი- აუცილებელია ხელშეკრულების ხელმოწერა უსაფრთხოების სფეროში. მეორე _ პალესტინელებმა ისრაელი სახელმწიფოდ უნდა აღიარონ. ამავდროულად აუცილებელია გადაიჭრას პალესტინელი დევნილების საკითხი პალესტინის მომავალ სახელმწიფოში. მესამე _ პალესტინის სახელმწიფო დემილიტარიზეული უნდა იყოს.

"შეთანხმება ისრაელსა და პალესტინას შორის ნიშნავს კონფლიქტის დასრულებას. თუ ეს პრინციპები დაცული იქნება მშვიდობაც მიიღწევა", _ განაცხადა ბენიამინ ნეტანიაღუმ.

შეგახსენებთ, რომ 2 სექტემბერს ვაშინგტონში ისრაელ- პალესტინის პირდაპირი მოლაპარაკებები გაიმართება.

მოლაპარაკებებში მონაწილეობას მიიღებს აშშ-ს პრეზიდენტი ბარაკ ობამა. 1-ელ სექტემბერს ობამა ისრაელის პრემიერ-მინისტრს ბენიამინ ნეთანიაღუს, პალესტინის ლიდერს მაჰმუდ აბასს, ეგვიპტის პრეზიდენტს ჰოსნი მუბარექს, და იორდანის მეფეს აბდალა მეორეს შეხვდება.

მხარეთა მოლაპარაკებებს მხარს უჭერს ახლო აღმოსავლეთში ვითარების დარეგულირების "კვარტეტი" _ აშშ, რუსეთი, გაერო და ევროკავშირი.