პარტია "თავისუფალი საქართველოს" წევრებმა ქუთაისის პარლამენტთან პერფორმანსი მოაწყვეს.
პარტიის წევრებმა შენობასთან სიმბოლურად კუბო მიიტანეს. პარტიის ერთ-ერთი ლიდერის, გოგი წულაიას განცხადებით, ისედაც დასამარებული პარლამენტი დღეს საბოლოოდ დასამარდება.
"ამ ფორმით გამოვხატეთ ის მდგომარეობა, რა მდგომარეობაშიც არის პარლამენტი და მთავრობა. პარლამენტს ყველა ხელისუფლების პირობებში უჭირდა, მაგრამ სულს ღაფავდა, ბიძინა ივანიშვილის პირობებში კი საბოლოოდ დასამარდა", - განაცხადა გოგი წულაიამ.
პარლამენტთან ასევე მუსიკოსებიც იმყოფებოდნენ, რომლებმაც სამგლოვიარო სიმღერა შეასრულეს.
