ტაილანდის გამოქვაბულ თამ ლუანგში, სადაც ამზადებენ სამაშველო ოპერაციებს მოვარდნილი წყლის გამო მღვიმეში ჩარჩენილი საფეხბურთო გუნდის მოზარდებისა და მისი მწვრთნელის გადასარჩენად, საშველად ჩასული დაივერი გარდაიცვალა.
ტაილანდური ტელეარხის ინფორმაციით, გარდაცვლილი საზღვაო ძალების ჯარისკაცი იყო და სამაშველო ოპერაციაში მოხალისედ მონაწილეობდა. მისი სიკვდილი დადგა ჟანგბადის უკმარისობის შედეგად.
"ჩვენი მეგობრის გარდაცვალების მიუხედავად, გავაგრძელებთ ძალისხმევას, რათა ბავშვები სამშვიდობოს გამოვიყვანოთ“ - განაცხადა საბრძოლო მოცურავეთა ერთეულის მეთაურმა. მოცემულ მომენტში სამაშველო მისიის მონაწილეები ცდილობენ ბავშვებს მიაწოდონ ჟანგბადის ბალონები, რათა შეინარჩუნონ ამ გაზის საჭირო პროცენტი მღვიმეში.
შეგახსენებთ, რომ 23 ივნისს ტაილანდის ადგილობრივი საფეხბურთო გუნდის 12 მოზარდი და მისი მწვრთნელი გაუჩინარდა. ისინი გაემგზავრნენ 7 კილომეტიან მღვიმეში თამ ლუანგში და მოულოდნელად მოვარდნილი წყლის გამო მოწყდნენ გარესამყაროს.
მხოლოდ ცხრადღიანი ძებნის შემდეგ ყველა მოზრადი და მისი მწვრთნელი იქნა ნაპოვნი, თუმცა ისინ ძალიან იყვნენ დასუსრტებულები შიმშილის გამო.
ბავშვებმა მაღალმთიანეთიდან არ იციან ცურვა, ხოლო წყლის დონე უახლოესი დღეების განმავლბაში დაწევას არ აპირებს. განიხილება შესაძლებლობა, რომ მათ ასწავლონ აკვალანგის დახმარებით ცურვა.
