აშშ-ის პრეზიდენტმა დონალდ ტრამპმა განაცხადა, რომ მისი სავარაუდო შეხვედრა რუსეთის პრეზიდენტთან ვლადიმერ პუტინთან შემდეგ თვეში მოხდება.
„ჩვენ განვიხილავთ ასეთ შესაძლებლობას“ - ციტირებს სააგენტო "Bloomberg"-ი ტრამპის სიტყვებს.
სააგენტოს გაუმხელელი თანამოსაუბრის განცხადებით, ასეთი შეხვედრისთვის ორი შესაძლებლობა არსებობს - ნატო-ს სამიტის დაწყებამდე, რომელიც 11 ივლისს ბრიუსელში შედგება და ტრამპის დიდ ბრიტანეთში ვიზიტის შემდეგ, რომელიც 13 ივლისსაა დაგეგმილი. ამასთან მათ დააზუსტეს, რომ ეს გეგმები ჯერჯერობით არ არის საბოლოო.
მანამე აშშ-ის ეროვნული უსაფრთხოების საბჭოს წარმომადგენელმა გარეტ მარკისმა თავის თვითერზე დაწერა, რომ ამერიკელი ლიდერის მრჩეველი ეროვნული უსაფრთხოების კუთხით - ჯონ ბოლტონი ჩავა მოსკოვში, რათა განიხილოს ორი ქვეყნის ლიდერის შესაძლო შეხვედრის შესახებ.
„აშშ-ის პრეზიდენტის მრჩეველი ჯონ ბოლტონი გაემგზავრება 25-27 ივნისს ლონდონში, რათა განიხილოს უსაფრთხოების საკითხი და შემდეგ ჩავა მოსკოვში, რათა იმსჯელოს პუტინისა და ტრამპის შესაძლო შეხვედრის თაობაზე“ - აცხადებს მარკისი.
მანამდე „The Times“-მა გამოაქვეყნა სტატია წყაროზე დაყრდნობით, რომ „ამერიკის ოფიციალური წარმომადგენლები განიხილავენ შესაძლებლობას შეხვედრის შესახებ ნატოს სამიტის დაწყებამდე ან ტრამპის დიდ ბრიტანეთში დაგეგმილი ვიზიტის დასრულებისთანავე. ამასთან გამოცემა ამტკიცებს, რომ ლონდონში შეშფოთებულები არიან შესაძლო შეხვედრის გამო ივლისის თვეში - განსაკუთრებით თუკი ეს შეხვედრა მოხდება ნატოს სამიტის დაწყებამდე. პუტინისა და ტრამპის შეხვედრამ, ბრიტანული გაზეთის თანამოსაუბრის აზრით, შესაძლოა გავლენა მოახდინოს "რუსეთის აგრესიის შეკავების“ განხილვაზე ალიანსის სამიტის ფარგლებში.
