აშშ-ის პრეზიდენტი, დონალდ ტრამპი ინტერნეტის საშუალებით ჩაერთო დისკუსიებში მისი მეუღლის ქურთუკზე დატანილ წარწერასთან დაკავშირებით.
აშშ-ის პირველი ლედი ტეხასში გაემგზავრა, სადაც მან მოინახულა მშობლებს გაშორებული ბავშვი მიგრანტების ცენტრი. გამოქვეყნებულ ფოტოებში და ვიდეოებში მელანია ტრამპი ადის თვითმფრინავში მწვანე ქურთუკში გამოწყობილი, რომელსაც ზურგზე აქვს დატანებული წარწერა „მე ეს არ მაინტერესებს. თქვენ? ეს პიჯაკი იყიდება მაღაზიათა ქსელ „ზარაში“ 39 დოლარად. ტეხასში პრეზიდენტის მეუღლე გამოეწყო რძისფერ სამოსში, თუმცა ტეხასიდან დაბრუნებისას მიუხედავად ცხელი ამინდისა და მზისა, პირველი ლედი კვლავ "ზარას" წარწერიანი ქურთუკით დაბრუნდა.
ზოგიერთი მედია ვარაუდობს, რომ პირველ ლედის არ აინტერესებს მიგრანტები. მელანია ტრამპის წარმომადგენელმა განაცხადა, რომ ქურთუკში „არ არის დამალული აზრი. ეს მხოლოდ ქურთუკია“. კომაპანია „ზარა“ ამ სიტუაციასთან დაკავშირებით კომენტარს არ აკეთებს.
"წარწერა „მე ეს არ მაინტერესებს. თქვენ? „ზურგზე მიმართულია მცდარი მედიისკენ. მელანიამ უკვე გაიგო თუ რამდენად არასინდისიერები არიანი ისინი და მას ეს უკვე ნამდვილად აღარ აღელვებს“ - წერს დონალდ ტრამპი თავის "Twitter"- ზე.
ცნობისთვის, პრეზიდენტის მეუღლე უკვე გააკრიტიკეს, როდესაც ის ქარიშხალით დაზარალებულების მოსანახულებლად ქუსლიანი ფეხსაცმელით ჩავიდა.
