აშშ-ის პრეზიდენტის დონალდ ტრამპის ახალი პრესმდივანი შესაძლოა გახდეს "Fox News"-ის ყოფილი ჟურნალისტი ჰიზერ ნაუერტი, რომელიც ამჟამად სახელმწიფო დეპარტამენტის ოფიციალური წარმომადგენელის თანამდებობაზეა. წერს გამოცემა „Vanity Fair" ადმინისტრაციულ წყაროზე დაყრდნობით.
მანამდე რიგი ამერიკული მედიასაშუალებები წერდნენ, რომ აშშ-ს ორი უმაღლესი ადმინისტრაციული თანამდებობის პრეს თანამშრომლები - სარა სანდერსი და რაჯ შახი, გეგმავენ დატოვონ თავიანთი თანამდებობა. სანდერსთან დაკავშირებით წერდნენ, რომ ის წლის ბოლომდე დატოვებდა თეთრ სახლს. თავად სანდერსმა ეს ინფორმაცია მოგვაინებით უარყო.
როგორც გამოცემა წერს, თუკი აშშ-ს პრესმდივნები მაინც გადაწყვეტენ თანამდებობის დატოვებას, მათი ადგილი შესაძლოა დაიკავოს ნაუერტმა, რომლითაც ამჟამად „გატაცებულია“ სახელმწიფოს მეთაური. „ტრამპს ის მოსწონს“ - განაცხადა ამერიკის ლიდერის ადმინისტრაციის ერთ-ერთმა ყოფილმა მაღალჩინოსანმა.
თეთრი სახლი ამ ცვლილებებთან დაკავშირებით კომენტარს არ აკეთებს.
