ევროპაში ჩამოსულ მიგრანტთა და ლტოლვილთა რაოდენობამ 2018 წლის დასწაყისიდან დღემდე 32 ათას ადამიანს მიაღწია. ამის შესახებ განცხადება, მიგრაციის საერთაშორისო ორგანიზაციის სპიკერმა ჯოელ მილმანმა გამართულ ბრიფინგზე გააკეთა.
"მიგრაციის საერთაშორისო ორგანიზაცია აცხადებს, რომ 32 080 მიგრანტი და ლტოლვილი ჩამოვიდა ევროპაში ზღვის გავლით 2018 წლის პირველი 150 დღის განმავლობაში. მათგან 42% შემოვიდა იტალიიდან, 34% საბერძნეთიდან, ხოლო დანარჩენი 24% ესპანეთიდან.
2017 წლის, იმავე პერიოდში ევროპაში შევიდა 70 870, ხოლო 2016 წლის მონაცემებით 230 230 ადამიანი.
ხმელთაშუა ზღვაში გარდაცვლილ მიგრანტთა და ლტოლვილთა რაოდენობამ წლის დასაწყისიდან 660 ადამიანს მიაღწია. ხოლო მთელი მსოფლიოს მასშტაბით ამ შემთხვევაში სიკვდილის 1 186 შემთხვევაა დაფიქსირებული.
