აშშ-ის მიერ შემოღებულმა გადასახადებმა ალუმინსა და ფოლადზე გამოიწვია უკმაყოფილება ევროკავშირის ქვეყნების მხრიდან, რომლებმაც ვაშინგტონის წინააღმნდეგ "მკაცრი პასუხის" შესახებ დააანონსეს.
ევროკომისიის ხელმძღვანელმა ჟან-კლოდ იუნკერმა ამერიკის ხელისუფლება საერთაშორისო სავაჭრო ორგანიზაციის წესების დარღვევაში დაადანაშაულა. ხოლო მისი მხრიდან სანქციების შემოღებას - „წმინდა პროტექციონიზმი“ უწოდა.
ამდენად, ევროკავშირმა გადაწყვიტა გაეტარებინა მსოფლიო სავაჭრო ორგანიზაციაში სამართლებრივი პროცედურები აშშ-ის წინააღმდეგ. გადაწყვეტილება მიღებულ იქნა ევროკომისართა კოლეგიაში.
მანამდე, ვაშინგტონი აკრიტიკებდა ბევრ წამყვან ევროპულ სახელმწიფოს, მათ შორის გერმანიას და დიდ ბრიტანეთს. ლონდონმა მოუწოდა აშშ-ს მოეხსნა გადასახადები "მჭიდრო მოკავშირეებითან", თუმცა მიუხედავად ევროპის ქვეყნების რეაქციისა, ისინი დარწმუნებულნი არიან, რომ ეს არ იმოქმედებს ევროკავშირის ქვეყნებთან ურთიერთობებზე.
აშშ-ის სავაჭრო დეპარტამენტის ხელმძღვანელი უილბერ როსი კი აცხადებს, რომ "ევროპა დროთა განმავლობაში ამ ყველაფერს მოინელებს".
ცნობისთვის, 2018 წლის 1 ივნისიდან, აშშ-მა შემოიღო საქნციები ფოლადისა და ალუმინის იმპორტზე ევროკავშირის ქვეყნებიდან, მექსიკიდან და კანადიდან. ვაშინგტონმა აღნიშნა, რომ ეს ხდება ამერიკელი მეწარმეების მხარდასაჭერად. გადასახადები ფოლადსა და ალუმინზე შეადგენს 25 და 10 პროცენტს.
