აშშ-ის პრეზიდენტი დონალდ ტრამპი აცხადებს, რომ ერთდღიანი შეხვედრა ჩრდილოეთ კორეის ლიდერთან, კიმ ჩენ ინთან შესაძლოა საკმარისი არ იყოს ყველა სკითხის განსახილველად.
„არაა ფაქტი, რომ ჩვენ მოვასწრებთ ერთი შეხვედრით ყველაფერს. შესაძლოა, მოგვიწიოს მეორე და მესამე შეხვედრის დაგეგმვაც. ან შესაძლოა არცერთი არ შედგეს“ - განაცხადა ტრამპმა ჟურნალისტებთან საუბრისას.
მისივე თქმით, შეხვედრამ ჩრდილოეთ კორეის დელეგაციასთან, რომელიც ამჟამად ნიუ-იორკში იმყოფება, წარმატებით ჩაიარა.
გარდა ამისა, მან განაცხადა, რომ პარასკევს მას უნდა გადასცენ წერილი კიმ ჩენ ინისგან, რომელმაც კვლავ გამოხატა 12 ივნისს სინგაპურში დაგეგმილი შეხვედრის ჩატარების იმედი.
