საქართველოს პარლამენტის თავმჯდომარის განცხადებით, მის მიერ პრეზიდენტის შეწყალების პოლიტიკასთან დაკავშირებით პლენარულ სხდომაზე დაფიქსირებული პოზიცია ძალაში რჩება.
ამის შესახებ განცხადება ირაკლი კობახიძემ უშიშროების საბჭოს დასრულების შემდეგ ჟურნალისტებთან გააკეთა და აღნიშნა, რომ ამ საკითხთან დაკავშირებით, საბჭოს სხდომაზე მსჯელობა არ გამართულა.
„მე დავაფიქსირე ჩემი პოზიცია პარლამენტის სხდომაზე შეწყალების, ასევ ვთქვათ, პოლიტიკასთან დაკავშირებით. ჩემი მოსაზრება გამოვთქვი იმ სტატისტიკასთან დაკავშირებით, რომელიც არსებობს. ბუნებრივია, დღეს ამასთან დაკავშირებით მსჯელობა ვერ შედგებოდა. ეს იყო უშიშროების საბჭოს ფორმატი. შესაბამისად, ამ საკითხს ვერ შევეხებოდით. პოზიცია დაფიქსირდა ჩემს მიერ პარლამენტის სხდომაზე და ჩემი პოზიცია არის ძალაში,“ - განაცხადა პარლამენტის თავმჯდომარემ.
