ივანიშვილის პოლიტიკური ვენდეტა და დედაქალაქის განვითარების გეგმა კვლავ ტვირთად აწევს ქართულ პოლიტიკას, - ამის შესახებ საერთაშორისო უფლებადამცველი ორგანიზაცია Freedom House-ის გარდამავალ ეტაპზე მყოფი ქვეყნების შესახებ ანგარიშშია აღნიშნული.
არაფორმალური მმართველობის კუთხით, ანგარიშში აღნიშნულია, რომ საქართველოში მმართველ პარტია „ქართულ ოცნებაზე“ კონტროლს, 2013 წელს პრემიერ-მინისრტობიდან გადადგმომის მიუხედავად, ბიძინა ივანიშვილი ინარჩუნებს, მისი კომპანიის თანამშრომლები კი უმაღლეს თანამდებობებს იკავებენ.
"საქართველოში მილიარდერი ბიძინა ივანიშვილი 2013 წელს, ერთწლიანი მმართველობის შემდეგ პრემიერ-მინისტრის პოსტიდან გადადგა, თუმცა მმართველს პარტიაზე კონტროლს ინარჩუნებს. ივანიშვილის პოლიტიკური ვენდეტები და თბილისის განვითარების გეგმა კვლავ ტვირთად აწევს ქართულ პოლიტიკას", - წერია ანგარიშში.
Freedom House-ის ანგარიშში საქართველო გარდამავალი ანუ ჰიბრიდული რეჟიმების სიაშია, სადაც როგორც წესი, საარჩევნო დემოკრატია არსებობს, თუმცა სუსტია დემოკრატიული ინსტიტუტები - მნიშვნელოვანი გამოწვევები ადამიანის უფლებებისა და სამოქალაქო თავისუფლებების დაცვის კუთხით.
