ჩვენ მივედით იმ ეტაპამდე, როდესაც კახეთს სჭირდება ცალკე აეროპორტი, - ამის შესახებ საქართველოს პრემიერ-მინისტრმა გიორგი კვირიკაშვილმა კახეთში განაცხადა, სადაც ახალი სასტუმრო განხსნა..
მისი თქმით, თავიდან შესაძლებელია პირდაპირი ჩარტერული რეისების განხორციელება.
„ამაზე უკვე მიდის ფიქრი და ვფიქრობ, ისევ და ისევ კერძო სექტორთან პარტნიორობით ჩვენ შევძლებთ, რომ კახეთში განხორციელდეს პირდაპირი ჩარტერული რესიები პირველ ეტაპზე, შემდგომში შესაძლოა, რომ რეგულარული რეისებიც დაინიშნოს“, - განაცხადა გიორგი კვირიკაშვილმა, რომელმაც აქვე სარკინიგზო მიმოსვლის განვითარებაზეც ისაუბრა.
„ახალი რკინიგზის გაყვანა, მოგეხსენებათ, რომ უზარმაზარი თანხები ჯდება. კახეთის მიმართულებით ჩვენ გვაქვს რკინიგზა, რომელიც ჯერ კიდევ არ არის ბოლომდე განადგურებული და სახელმწიფომ აუცილებლად უნდა იფიქროს იმაზე, რომ ეს რკინიგზა აღდგეს. ტურიზმის განვითარება რკინიგზის გარეშე წარმოუდგენელია“, - აღნიშნა გიორგი კვირიკაშვილმა.
