გაუგებარია რამდენად უნდა გავაკეთო კომენტარი იმ ადამიანის კომენტარზე, რომელსაც ცხოვრებაში არაფერი გაუკეთებია და არაფერი შეუქმნია, ადამიანი, რომელიც არის ჩვეულებრივი უქნარა, ნაცარქექია, - ამის შესახებ თბილისის მერმა კახა კალაძემ ალექსანდრე ელისაშვილის განცხადებასთან დაკავშირებით განაცხადა, რომელმაც „ღამის ეკონომიკის განვითარების“ პროექტი გააკრიტიკა.
კალაძის თქმით, ის აუცილებლად შეასრულებას დაპირებას და თბილისი გახდება სიცოცხლით სავსე ქალაქი.
„მე მაქვს ჩემი ხედვა, რომელსაც დედაქალაქის მოსახლეობის უმრავლესობამ დაუჭირა მხარი. შესაბამისად, ჩემი დაპირება რაც იყო წინასაარჩევნოდ, ვალდებული ვარ, შევასრულო და ამას აუცილებლად გავაკეთებ, აუცილებლად გავაკეთებ იმას, რომ თბილისი იქნება სიცოცხლით სავსე ქალაქი“, – განაცხადა კახა კალაძემ.