კარგია ბატონი ანატოლი ბიბილოვის განცხადების ის ნაწილი, სადაც ის წუხს, რომ ექსპერტიზის გარეშე ჩვენ ნაკლებად დაგვიჯერებენო, - ამის შესახებ "პატრიოტთა ალიანსის" წევრმა ადა მარშანიამ ანატოლი ბიბილოვის განცხადებასთან დაკავშირებით განაცხადა.
მისი თქმით, გაუგებარია, რატომ არის საჭირო ასეთი დიდი დრო ექსპერტიზის ჩასატარებლად.
"თავისთავად, ბიბილოვის განცხადება არის ძალიან მძიმე. გაუგებარია, რატომ არის საჭირო ასეთი დიდი დრო ექსპერტიზის ჩასატარებლად. წესით, უკვე ჩატარებული უნდა იყოს. კარგია ბატონი ბიბილოვის განცხადების ის ნაწილი, სადაც ის წუხს, რომ ექსპერტიზის გარეშე ჩვენ ნაკლებად დაგვიჯერებენო, ამას მივესალმები", - განაცხადა მარშანიამ.
ცნობისთვის, ე.წ. სამხრეთ ოსეთის დე ფაქტო პრეზიდენტის, ანატოლი ბიბილოვის განცხადებით, ასეთ მოკლე დროში არჩილ ტატუნაშვილის ცხედრის გადაცემა შეუძლებელია.