„საქართველო მეზობელი ქვეყნებისადმი ყოველთვის დაბალანსებულ პოლიტიკას ატარებდა და ეს კურსი უცვლელი რჩება“, - აცხადებს სომხური მედიასთან ექსპერტი ალიკ ეროიანცი, რომელმაც კომენტარი გააკეთა საქართველოს პრეზიდენტის მიერ გამოხატულ პოზიციაზე.
„საქართველო მთიანი ყარაბაღის კონფლიქტის ესკალაციის წინააღმდეგ გამოდის“, - განაცხადა გიორგი მარგველაშვილმა მარნეულში, ადგილობრივ აზერბაიჯანელებთან გამართულ შეხვედრაზე. ვფიქრობ, პრეზიდენტის მიდგომა სრულიად გასაგებია.
„ქართული მასმედიის პუბლიკაციებში სომხეთ-აზერბაიჯანის კონფლიქტის შესახებ, ექსპერტთა და პოლიტიკოსთა შეფასებებში ნეიტრალიტეტის დაცვის მცდელობა შეინიშნება. თბილისი წინდახედულობას იჩენს. გიორგი მარგველაშვილმა აღნიშნა, რომ შეიძლება ქართველებს თავიანთი აზრი ჰქონდეთ რომელიმე საკითხზე, მაგრამ ისინი აბსოლუტურად არ ცდილობენ სიტუაციის დამატებით გამწვავებას. ეს ძალიან მნიშვნელოვანია იმდენად, რამდენადაც დღევანდელ სიტუაციაში ამა თუ იმ პოზიციისადმი მხარდაჭერა არც საქართველოს, არც სომხეთისა და არც აზერბაიჯანის ინტერესებიდან არ გამოდის. ამრიგად, საქართველოში მცხოვრებ სომხებს პრეზიდენტმა შესაბამისი მესიჯი გაუგზავნა საპრეზიდენტო არჩევნების წინ, მათი მხარდაჭერის მიღების მიზნით.
