2018  წელს  რუსეთი  საქართველოსთან ურთიერთობების აღდგენას გააგრძელებს. ამის შესახებ რუსეთის საგარეო საქმეთა მინისტრის მოადგილემ განაცხადა. გრიგორი კარასინის თქმით, 2018 წელს ორ ქვეყანას შორის  ეკონომიკურ  და სავაჭრო სფეროებში  თანანმშრომლობის გარღმავება გაგრძელდება. რუსულ მედიასთან საუბრისას კარასინმა აღნიშნა, რომ 2017 წელს რუსეთმა  საქართველოს სავაჭრო პარტნიორებს შორის მეორე ადგილი დაიკავა, ტვირთბრუნვამ კი 30 პროცენტი შეადგინა. ლავროვის მოადგილემ  იმ ერთობლივ პროექტებზეც გაამახვილა ყურადღება, რომელიც ორმხრივ თანამშრომლობას კიდევ უფრო გააძლიერებს.  კარასინის თქმით, რუსულ ქართული ურთიერთობების  ნორმალიზების ტენდენცია  2012 წლის  საპარლამენტო არჩევნების შემდეგ შეინიშნება. კარასინმა საქართველო-რუსეთის საზღვარზე ზემო ლარსის საკონტროლო გამშვები პუნქტის რეკონსტრუქციაზეც ისაუბრა და აღნიშნა, რომ ეს საზღვრის გადალახვას გაამარტივებს. მან ყურადღება გაამახვილა ნატო-საქართველოს ურთიერთობებზეც. კარასინის თქმით, ალიანსთან თბილისის სამხედრო თანამშრომლობა საქართველოს უსაფრთხოებას არ აძლიერებს.