ვაკის რაიონის გამგეობა სკვერების და შიდა ეზოების კეთილმოწყობას აქტიურად განაგრძობს. მერიის ინფორმაციით, დასასვენებელი სივრცის განახლება ამჯერად ლორთქიფანიძის 32-ის მიმდებარედ მიმდინარეობს. საბავშვო მოედანზე უკვე დაიგო რბილი საფარი, გამოიცვლება საქანელები, რეაბილიტაცია ჩაუტარდება საბავშვო სასრიალოს, განახლდება სკამები და სანაგვე ურნები. გარდა ამისა, შიდა ეზოს კეთილმოწყობის სამუშაოები უკვე დასრულდა ნუცუბიძის IIIმ/რ-ის I კვარტლის V კორპუსის მიმდებარედ.
სკვერების და შიდა ეზოების სარეაბილიტაციო სამუშაოებს, ვაკის რაიონის გამგეობის დაკვეთით, შპს „ინტერტექნოლოგი“ ახორციელებს.
სულ, მიმდინარე წელს, ვაკის რაიონში რეაბილიტაცია 30-მდე სკვერს და შიდა ეზოს ჩაუტარდა.
