სახელმწიფო უსაფრთხოების სამსახურმა ხანგრძლივი დაკითხვის შემდეგ გაათავისუფლა ასლანბეგ ჯაბრაილოვი, რომლის ბინაშიც, თბილისში, ბერი გაბრიელ სალოსის ქუჩაზე ტერორიზმში ეჭვმიტანილი პირები ცხოვრობდნენ. ამის შესახებ ინფორმაციას reginfo.ge ავრცელებს. ჯაბრაილოვი არ აკეთებს კომენტარს ბინა ვისზე ჰქონდა გაქირავებული და არ საუბრობს მომხდართან დაკავშირებით.
ასლანბეგ ჯაბრაილოვი სახელმწიფო უსაფრთხოების სამსახურის თანამშრომლებმა დაკითხვაზე გუშინ, დაახლოებით 12 საათისთვის დაიბარეს. ის ახმეტაში, "სოკარის" ბენზინგასამართი სადგურის თანამშრომელია. თვითმხილველების თქმით, სამართალდამცავებმა ჯაბრაილოვი ბენზინგასამართი სადგურიდან წაიყვანეს, რის შემდეგაც თბილისში გადაიყვანეს. მას შემდეგ მასთან დაკავშირება შეუძლებელი იყო. ასლანბეგ ჯაბრაილოვის ადგილსამყოფელი მისი ოჯახის წევრებმაც არ იცოდნენ.
სააგენტოს ინფორმაცით, ჯაბრაილოვმა დაკავებამდე უარყო, რომ ბერი გაბრიელ სალოსის ქუჩაზე მდებარე ბინა, რომელიც სპეცოპერაციის სამიზნე იყო, მას ეკუთვნოდა, თუმცა ეს ინფორმაცია მისი ოჯახის წევრებმა დაადასტურეს.
