სამართალდამცავებმა ოზურგეთში ორი დღის წინ გაუჩინარებული გიორგი როყვა იპოვეს. შსს-ს ინფორმაციით, როყვას დაზიანებები არ აღენიშნება და მის ჯანმრთელობასაც არანაირი საფრთხე არ ემუქრება.
როყვა ამ წუთებში შესაბამის განყოფილებაში გადაჰყავთ, რათა ინფორმაციის მიღება მოხდეს, თუ სად და რა ვითარებაში იმყოფებოდა ის ბოლო ორი დღის განმავლობაში.
ოზურგეთის მერობის დამოუკიდებელი კანდიდატის, კოტე შარაშენიძის წარმომადგენლის, გიორგი როყვას გაუჩინარების შესახებ ინფორმაცია ორი დღის წინ თავად აღნიშნული კანდიდატის შტაბმა გაავრცელა. მათი ცნობით, როყვასთან დაკავშირებას ვერ ახერხებდნენ.შარაშენიძე აცხადებდა რომ როყვას აშანტაჟებდნენ და ემუქრებოდნენ.
