შინაგან საქმეთა სამინისტროს გენერალურმა ინსპექციამ, ხარაგაულში, 28 წლის მამაკაცის გარდაცვალების ფაქტის შესწავლა დაიწყო. ამის შესახებ "ჯი-ეიჩ-ენს" შსს-ში განცუხადეს.
"საქმის ძიება სისხლის სამართლის კოდექსის 115-ე, თვითმკვლელობამდე მიყვანის მიხულით მიმდინარეობს. ამას გარდა, ფაქტის შესაწავლა არის დაწყებული შსს-ს გენერალურ ინსპექციაში", - აცხადებენ ძალოვან უწყებაში.
გარდაცვლილის ოჯახის წევრები ვარაუდობენ, რომ მამაკაცი სუიციდამდე სამართალდამცავების მხრიდან ზეწოლამ მიიყვანა.
"ჩემი ძმები ჯართს აგროვებდნენ და პოლიციის განყოფილებაში რამდენჯერმე სწორედ ამ საკითხზე დაიბარეს. პოლიციიდან დაბრუნების შემდეგ ამირანმა თქვა, რომ ან მათ მოკლავდა ან თავს მოიკლავდა", - ამბობს გარდაცვლილი ამირან კვირიკაშვილის და.
შეგახსენებთ, რომ ხარაგაულში, 28 წლის ამირან კვირიკაშვილმა რამდენიმე დღის წინ, სიცოცხლე თვითმკვლელობით დაასრულა.
