საქართველოს შრომის, ჯანმრთელობისა და სოციალური დაცვის მინისტრ დავით სერგეენკოს განცხადებით, რიგ ინდუსტრიებზე კანონით განსაზღვრული რეგულაციები სრულად 2019 წლიდან ამოქმედდება, ხოლო 2018 წელი იქნება გარდამავალი პერიოდი და შესაბამისად, გამოიკვეთება მაღალი რისკის ინდუსტრიები.
როგორც დავით სერგეენკომ განმარტა, პარლამენტში შესვლამდე, შრომის უსაფრთხოების შესახებ კანონპროექტის განხილვა კერძო სექტორის წარმომადგენლებთან არაერთხელ მოხდა და მისი მიზანია როგორც ბიზნესის, ასევე დასაქმებულთა უფლებების დაცვა.
„კანონპროექტი ვიდრე პარლამენტში შევიდოდა, განვიხილეთ კერძო ბიზნესთან. ჩვენ ვეცადეთ ისეთი ფორმა გვენახა, რომელიც დაიცავდა დასაქმებულთა სიცოცხლის უფლებას და რომელიც ნაკლებ დამაზიანებელი იქნებოდა კერძო სექტორისთვის. თუ მათ რომელიმე წარმომადგენელს აქვს საფრთხე, რომ ეს ბიუჯეტის შესავსებად შეიქმნა, ეს მათი აღქმის პრობლემაა.
ინდუსტრიების ჩამონათვალი, რომელზეც კანონით განსაზღვრული რეგულაციები გავრცელდება, სრულად 2019 წლიდან ამოქმედდება, ხოლო 2018 წელი იქნება გარდამავალი პერიოდი და შესაბამისად გამოიკვეთება მაღალი რისკის ინდუსტრიები", - განაცხადა მინისტრმა.
