საფეხბურთო კლუბ თბილისის ,,დინამოს" პრეზიდენტის, რომან ფიფიას წინააღმდეგ, დიღმის ბაზრის ყოფილ ტერიტორიაზე მენაშენეები საპროტესტო აქციას გამართავენ.
აქციის ორგანიზატორების განცხადებით, მათი მთავარი მოთხოვნაა, გაგრძელდეს საცხოვრებელი კორპუსის მშენებლობა, რომელიც რომან ფიფიას საჩივრის საფუძველზე შეწყდა.
„მშენებლობა კანონიერად მიმდინარეობდა, შემდეგ რომან ფიფიამ მერიას უჩივლა, რომ არაკანონიერად იყო გაცემული მშენებლობის ნებართვა და მშენებლობა შეწყდა. შედეგად, დაზარალდა ამდენი მოსახლე ,რადგან მშენებლობა 4 თვეა გაჩერებულია. რომან ფიფია არის ჩვენი მოსაზღვრე და სადაც მიმდინარეობდა მშენებლობა, ის მიწებიც მას აქვს მითვისებული.
ვითხოვთ, გაგრძელდეს მშენებლობა დროულად, რადგან ნებართვა იყო გაცემული კანონიერად და კორპუსს აშენებდნენ სანდო კომპანიები.
ამიტომაც, გვინდა დროულად გადაწყდეს სკითხი“, - განუცხადა ჯი-ეიჩ-ენს ერთ-ერთმა მენაშენემ, მერი გავაშელმა.
