ლატვიური ავიაკომპანია airBaltic-ის Bombardier Dash 8-400 რიგის აეროპორტში ღობეს შეეჯახა. უფრო სწორედ თვითმფრინავის ფრთა ღობეს გამოედო. დაზიანდა თვითმფრინავის ფრთა და საბოლოოდ მისი მოჭრაც კი გახდა აუცილებელი. შედეგად აღნიშნულ ბორტს რეისები აღარ განუხორციელებია.
უნდა აღინიშნოს, რომ airBaltic -ის ავიაპარკში აღნიშნული ბორტი ახლად ითვლებოდა, რადგანაც კომპანიამ მისი ექსპლუატაცია 2013 წელს დაიწყო.
როგორც airBaltic-ის წარმომადგენელმა ალისე ბრიდმა განმარტა, აეროპორტში საჰაერო ხიდი გადაჰქონდათ, რომელმაც საჰაერო ხომალდის მანევრირების ტრაექტორია დაბლოკა.
"ამ დროისათვის თვითმფრინავის მონიტორინგი მიმდინარეობს, რათა უახლოეს ხანებში მისი შეკეთება დავიწყოთ. შედეგად კი თვითმფრინავის რეისების შესრულებას თვის ბოლომდე შეძლებს“, აღნიშნა ავიაკომპანიის წარმომადგენელმა.
