ბათუმის მუნიციპალური ავტობუსების კონდუქტორები ჟესტურ ენას შეისწავლიან. პროექტში პირველ ეტაპზე 30 კონდუქტორი ჩაერთვება, რომლებიც ჟესტური ენის შესწავლის 5 დღიან კურსს გაივლიან. კურსის დასრულების შემდეგ კონდუქტორები სმენის არმქონე მგზავრებთან კომუნიკაციის დამყარებას შეძლებენ.
პროექტი არასამთავრობო ორგანიზაცია ,,სმენის არმქონე ბავშვთა და მშობელთა უფლებების დაცვის ორგანიზაციისა“ და შპს ,,ბათუმის ავტოტრანსპორტის“ თანამშრომლობის საფუძველზე ხორციელდება. პროექტი საპილოტეა და საწყის ეტაპზე კონდუქტორების ნაწილის გადამზადებას ითვალისწინებს. სამომავლოდ პროექტის გაფართოება და მასში უფრო მეტი ადამიანის ჩართვა იგეგმება.
