საგზაო მოძრაობის უსაფრთხოების საკითხებზე არასამთავრობო ორგანიზაციების საინიციატივო ჯგუფის ინიცირებით 1-ელ ნოემბერს, პარლამენტის საჯარო ბიბლიოთეკაში, ჩატარდება სამუშაო შეხვედრა - საგზაო უსაფრთხოების პრობლემატიკასთან დაკავშირებით.
ღონისძიებაში მონაწილეობას მიიღებენ შვეიცარიელი ექსპერტები, საერთაშორისო მწვანე ჯვარის, ფეხითმოსიარულეთა საერთაშორისო ასოციაციის, შვეიცარიის ტრანსპორტისა და გარემოს გაერთიანების, საგზაო უსაფრთხოების საკითხებზე მომუშავე არასამთავრობო ორგანიზაციები, საქართველოს ეროვნული საავტომობილო ფედერაციის პრეზიდენტი, საკრებულოს წევრები და ქალაქის მერიის თანამშრომლები.
ღონისძიების ფარგლებში სამუშაო ჯგუფი, უცხოელ ექსპერტებთან ერთად, მოინახულებს ეგრეთწოდებულ „შავ წერტილებს“, იმუშავებს აღნიშნული წერტილების გაუმჯობესების შესაძლებლობებზე და შეიმუშავებს რეკომენდაციებს ამ კუთხით.
შეხვედრაზე ასევე განხილული იქნება ქალაქ თბილისის განვითარების გენერალური გეგმასთან, სამოქალაქო ტრანსპორტთან და საგზაო უსაფრთხოების საკითხში განათლების სისტემის როლთან დაკავშირებული საკითხები.
სამუშაო დღის ბოლოს დაგეგმილია ინტერსექტორული სამუშაო ჯგუფის შექმნა საგზაო უსაფრთხოების საკითხებზე.
