ოკუპირებული ახალგორის სოფელ ახმაჯში საოკუპაციო ძალებმა ორი მოქალაქე დააკავეს .
კასპის მუნიციპალიტეტის სოფელ ოკამის მკვიდრები - 43 წლის ჯონი თათარაშვილი და 20 წლის გიორგი შუკაკიძე ახალგორის მილიციის შენობაში იმყოფებიან, თუმცა იგეგმება მათი ცხინვალის იზოლატორში გადაყვანა.
სახელმწიფო უსაფრთხოების სამსახურის ინფორმაციით მომხდართან დაკავშირებით, ამოქმედებულია ცხელი ხაზი. ასევე, ინფორმირებულია ევროკავშირის სადამკვირვებლო მისია და სახელმწიფო უსაფრთხოების სამსახური მუშაობს მათ გასათავისუფლებლად.
