შინაგან საქმეთა მინისტრის ყოფილმა მოადგილემ, შოთა ხიზანიშვილმა ე.წ. მატროსოვის ციხე დატოვა. მას წელიწადნახევრიანი სასჯელი დღეს ამოეწურა.
,,სასჯელი სრულად მოიხადა,ამჟამად მის წინააღმდეგ არცერთი საქმე მიმდინარეობს", - განუცხადა ,,ჯი-ეიჩ-ენს" ხიზანიშვილის ადვოკატმა, მამუკა ჭაბაშვილმა.
ხიზანიშვილმა საპყრობილე ჟურნალისტებთან კომენტარის გარეშე დატოვა. გარეთ მას ახლობლები და ოჯახის წევრები ელოდებონენ.
თუ რა გეგმები აქვს ყოფილ ძალოვნას, ამის შესახებ ადვოკატს ინფორმაცია არ აქვს.
შეგახსენებთ, რომ შოთა ხიზანიშვილი 2016 წლის 28 ივნისს დააკავეს. მას ბრალი უფლებამოსილების გადამეტებაში ედებოდა.
