ჟინვალის გზაზე ავტომანქანის დაწვის ფაქტზე შსს-მ გამოძიება დაიწყო.
შსს-ს ინფორმაციით, მომხდარზე გამოძიება “სისხლის სამართლის კოდექსის” 187-ე მუხლის მეორე ნაწილით დაიწყო, რაც ცეცხლის წაკიდებით, აფეთქებით ან სხვა საყოველთაოდ საშიში საშუალებით სხვისი ნივთის დაზიანებას ან განადგურებას გულისხმობს, რამაც მნიშვნელოვანი ზიანი გამოიწვია.
ამ დროისთვის ადგილზე, ექსპერტ-კრიმინალისტები მუშაობენ.
შეგახსენებთ, თიანეთის მერობის კანდიდატის, თამაზ მეჭიაურის გაცხადებით, არასამთავრობო ორგანიზაცია "ყოფილი პოლიტპატიმრები ადამიანის უფლებებისათვის" წარმომადგენლებს თავს დაესხნენ:
"არასამთავრობო ორგანიზაცია "ყოფილი პოლიტპატიმრები ადამიანის უფლებებისათვის" წარმომადგენლებმა მახარე სისაურმა და რამაზ ღვალაძემ, რომლებიც ესწრებოდნენ საარჩევნო პროცესებს, გვაცნობეს რომ მათ ჟინვალის გზაზე თავს დაესხნენ და დაუწვეს მანქანა" - განაცხადა თამაზ მეჭიაურმა.
