მსახიობ ლაშა კურტანიძის გათავისუფლების შესახებ გავრცელებულ ინფორმაციას ადვოკატი მალხაზ სალაყაია ,,ჯი-ეიჩ-ენთან“ საუბარში ადასტურებს.
„ლაშა კურტანიძე თავისუფალია, ის წუხელ გაათავისუფლეს. მან შეწყალების მოთხოვნით მიმართა პრეზიდენტს და პრეზიდენტმა ის შეიწყალა“, - განაცხადა სალაყაიამ.
ნარკოდანაშაულისთვის ტელეწამყვანი ლევან როსტოშვილი და მსახიობი ლაშა კურტანიძე 2016 წლის მაისში დააკავეს. სასამართლომ ლევან როსტოშვილს 8, ხოლო ლაშა კურტანიძეს 5 წელი მიუსაჯეს.
საქართველოს პრეზიდენტმა 226 პატიმარი გუშინ შეიწყალა.
"სულ შეწყალებულია 226 მსჯავრდებული. მათგან 141 დღესვე დატოვებს საპატიმროს. ხოლო 85 მსჯავრდებულს შეუმცირდა სასჯელი. შეწყალების კომისიამ სულ 1 604 პორის საქმე განიხილა. შეწყალების აქტი 13 მსჯავრდებულ ქალბატონს და 2 არასრულწლოვან მსჯავრდებულს შეეხო. 13 ქალბატონიდან საპატიმროს დღეს 12 დატოვებს," - განაცხადა შეწყალების კომისიის თავმჯდომარემ.
