თბილისში, ავჭალის პოლიციის განყოფილებაში კომპანია „ალბატროსის“ თანამშრომლების დაკითხვა მიმდინარეობს.
არსებული ინფორმაციით, დაშავებულებს ფიზიკურად კომპანიის დაცვის წევრები გაუსწორდნენ.
როგორც ირკვევა, მუშებმა ხელმძღვანელობას კუთვნილი ანაზღაურების დაფარვა მოსთხოვეს, რის გამოც მათ მოგვიანებით დაცვის თანამშრომლები ფიზიკურად გაუსწორდნენ.
ამ წუთებში, პოლიცია 4 დაზარალებულს კითხავს.
შსს-ს ცნობით, მომხდარზე გამოძიება დაწყებულია.
