პატრიარქის მდივან-რეფერენტმა, შორენა თეთრუაშვილმა, საქალაქო სასამართლოში ე.წ. ციანიდის საქმეზე დუმილი დაარღვია და პატრიარქი კონკორდატის დარღვევაში დაადანაშაულა.
„კურიერის“ მიერ გავრცელებულ აუდიოჩანაწერში, შორენა თეთრუაშვილი სასამართლოსთვის მიცემულ ჩვენებაში ამტკიცებს, რომ სახელწმიფოსა და საპატრიარქოს შორის ჯერ კიდევ 2002 წელს გაფორმებულ შეთანხმებას პატრიარქმა გვერდი აურა. საუბარია, მამა გიორგი მამალაძისთვის „ეკლესიის წარმომადგენლობითი“ ფუნქციის მინიჭებაზე.
„პატრიარქმა ვერ გაითვალისწინა ისშედეგები, რა შედეგებიც მოჰყვა ამას. საკონსტუტუციო შეთანხმების მიხედვით, ეკლესიის წარმომადგენლობითი უფლება ჰქონდა, პატრიარქს, ქორეპისკოპოსა და მდივანს. რაკი მამა გიორგი მამალაძე არ იყო მდივანი და ამ ფუნქციით აღიჭურვა ამან სამართლებრივად შექმნა პრობლემები და ეს გახდა სალაპაერაკო თემა“, - ამბობს თეთრუაშვილი სასამართლოსთვის მიცემულ ჩვენებაში.
აუდიოჩანაწერიდან ირკვევა, რომ თეთრუაშვილი ცდილობდა, მოსამართლე დაერწმუნებინა, რომ მას შემდეგ, რაც მეუფე იაკობს ილია მეორემ საპატრიარქოს სიმდიდრის განკარგვის უფლება ჩამოართვა, ეკლესიის შიგნით დაპირისპირება დაიწყო.
თეთრუაშვილმა სასამართლო დარბაზში აღიარა, რომ ქორეპისკოპოს იაკობს პატრიარქმა წელიწადნახევრის წინ დოკუმენტებზე ხელმოწერის უფლება ჩამოართვა და მამა გიორგი მამალაძეს მიანიჭა, რამაც მეუფე გააბრაზა და საპატრიარქოში აღარ მიდიოდა. ქორეპისკოპოსი პატრიარქის დაცვის სამსახურის მაშინდელ უფროსს, სოსო ოხანაშვილს, დაუპირისპირდა.
