ბაგა-ბაღის მეორე სართულიდან ბავშვის გადმოვარდნის ფაქტზე გამოძიება დაიწყო.
შინაგან საქმეთა სამინისტროს ინფორმაციით, გამოძიებას სისხლის სამართლის კოდექსის 124-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.
რაც შეეხება ბავშვს, ის ინგოროყვას კლინიკაშია გადაყვანილი და მისი ჯანმრთელობის მდგომარეობა, ექიმების შეფასებით, ამ დროისთვის, სტაბილურია.
ცნობისთვის, ზემო ფონიჭალაში, ბაგა ბაღის მეორე სართულიდან ბავშვი რამდენიმე საათის წინ გადმოვარდა.
