ავარია ბაკურციხე-თბილისის საავტომობილო გზაზე - სოფელ ჩალაუბანთან საქორწილო კორტეჟში მიმავალი - „მერსედესისა“ და „ნისანის“ მარკის ავტომანქანები ერთმანეთს შეეჯახა.
თვითმხილველთა განცხადებით, „ნისანის“ მძღოლი არაფხიზელ მდგომარეობაში იმყოფებოდა. მან სხეულის მსუბუქი დაზიანება მიიღო.
შსს-ს ცნობით, „ნისანის“ მძღოლს ავტომობილის მართვის უფლება სამი წლით ჩამოერთვა.
მომხდარზე მიმდინარეობს გამოძიება.
