დღეს, 12 საათზე, თბილისის საქალაქო სასამართლოში მერიის ყოფილი მაღალჩინოსნის, ოთარ აბესაძის სასამართლო პროცესი გაიმართება. პროცესის დაწყებამდე ადვოკატები გლდანის მე-8 დაწესებულებაში აბესაძესთან შეხვედრას გეგმავენ. ამის შესახებ ”ჯი-ეიჩ-ენ-ს” აბესაძის ადვოკატმა, ლილი გელაშვილმა განუცხადა.
”სურვილი გვაქვს, რომ სხდომის დაწყებამდე ოთარ აბესაძეს შევხვდეთ, რამდენად მოვახრხებთ, არ ვიცი. წინა სასამართლო სხდომაზე მხოლოდ აღკვეთის ღონისძიების საკითხზე იმსჯელეს. მოგეხსენებათ, სასამართლომ აბესაძე პატიმრობაში დატოვა. დღევანდელ პროცესზე დაცვის მხარე დავაყენებთ შუამდგომლობას აღკვეთის ღონისძიებასთან დაკავშირებით. ამ შუამდგომლობის შინაარსზე და იამზე, თუ რა მოთხოვნას ეყრდნობა, საჯაროდ ვერ ვისაუბრებ, სანამ სასამართლოში ამ შუამდგომლობას არ დავაყენებთ. ასევე დღეს განიხილება საქმეში არსებული მტკიცებულებების სადააობის საკითხიც”, - განაცხადა ”ჯი-ეიჩ-ენ-თან” ლილი გელაშვილმა.
შეგახსენებთ, ოთარ აბესაძე ქრთამის აღების ფაქტზე 12 ივლისს დააკავეს.
